¡Ay, la
mió quintana, prubitina d’ella!
¡Ay, la
mió quintana, la de los mios güelos!
Tá
desconocía,
Per
dientro y per fora tá cambiá d’afechu.
Non ye la de antis:
Ya non tién regueros
D’agua
cristalina y mermuraora
Semeyando
espeyos,
En ondi les xanes, con rueques de oru
Texíen cadexos.
Ya non
tién fontanes pa poner el ramu
En la
nochi guapa de Xuno primeru.
¡Nochi
de San Xuan cuayá de estrellines
Y preñá
d’ensueños.
¡Ay, la
mió quintana, cómo la dexaron!
¡Ay, la
mió quintana, cómo la puxeron!
Ya non
tién pumares,
Ya non
tién requexos,
Nin
s’atopa un sitiu algo afayaízu
Pa
tumbase un pocu pigazando un sueñu
Ya los
paxarinos no allegren cantando
Puestos
per les sebes, árboles y aleros,
Que los
prubitinos fuxeron lexones
Muertitos
de mieu…
¡Ay,
les miós calandrias y los miós malvises!
Guapes
golondrines, tordos y xilgueros…
Paxarinos
todos que amedrantaínos
Nunca
más golvísteis a vesitar esto,
Perque
yera cosa que vos daba espantu
Oyer
los bramíos de tantos barrenos…
Hoy los
mozos canten cantares extraños,
Fendiendo
a extranxeru.
Una
xerigonza que nin Dios la entiende,
Nin el
diañu mesmu,
Pos
canten con voces que nin son de home,
Nin ye
de muyeres tampoco el acentu.
Fuéronse
olvidando les guapes tonaes,
Les que
pa cantales inflávase’l pechu,
Pos
yeren cantares de homes bragaos,
Cantares
montiegos,
Con son
de fontana
Y arume
a romeru,
Y el
sonar bravíu de los ¡ixuxús!
Per
montes y valles cantando los vientos.
Ya
nadie s’alcuerda de les coples guapes
Que nos
insiñaron Tiadoro y Torniellu:
Coplines
d’amores
Enllenes
d’anhelos,
Y que
non se canten ya per delgún sitiu
Perque
no hay gaiteros,
Pos los
que quedaben morriéronse adrede
Per non
ver tó esto…
Non hay
esfoyaces,
Nin
allegres guetes en los castañeos;
Ni el
trasgo burlón comete trastaes,
Nin
trona el nuberu,
Nin
gasten los mozos montera picona,
Nin con
la civiella asolmenen reciu,
Ni en
una rapaza s’atopa un refaxu,
Y del
xiringüelu
Y la
danza prima, ya non queda rastru
Tó ye
forasteru:
Cantares
y bailes,
Costumbres
y xuegos…
¡Ay, la
mió quintana de los años mozos!
¡Ay, la
mió quintana de los años neños!
La
verde, la fresca,
La que
golìa a flores, timiellu y espliego,
Quién
te vió y te ve´
Muerrense
de pena y acongoxamientu.
Xente
forastera,
-
Pos dengunu yera ñacíu del pueblu
–
Allegó un mal día per istos llugares,
Midió los terrenos,
Vio que Yeren muy ricos,
Que non teníen peru…
Y en sin más que dayos a los aldeanos
Unes cuantes onces. ¡Más que foran cientos!
Fixieronse amos de tó la quintana,
De todu el conceyu.
¡Como si la tierra pudiese pagase!
¡Como si la tierra tuviese algún preciu!
Y escomencipiando per facer un pozu
Muy fondu y muy negru,
Que aquella xentuca llamó bocamina
Y amín me paecía camín del infiernu,
Foron gomitando. Pa fora pizarres…
¡Tó se golvió negro!
Les cases, los ríos,
La tierra y el cielu
Con la mesma ambruxada negrura
D’un agüeyamientu
Y en el mesmu sitiu onde una panera,
La meyor del pueblu
Tevo cientos d’años secando maízos,
Tevo cientos d’años guardando preseos,
Llevántase agora espintarraxada,
Pero sin solana,nin correor abiertu,
Y con una torre que non tién campana
La casa que llamen la del “inxenieru”
Y en el mesmu sitiu onde taba el roble,
Aquel roble aneyu,
Onde los paisanos más viellos del valle
Formaben conceyu,
Empínase agora cargá de fanfarria,
Enllenando el aire de polvo y fumeru,
Una chimenea tan escurridiza…
¡Qué non tién un sitiu pa facer un ñeru!
¡Ay, la mió quintana, prubitina d’ella!
¡Ay, la mió quintana, la de los miós güelos!
¡Quién te vio y te ve,
Muérrense de pena y acongoxamientu!
(LUIS AURELIO)
