QUE TE FAIGAS RICU

. ¡QUE TE FAIGAS RICU!

Majestuosamente
D’un puertu con niebla,
Desatraca un barcu
De porte y presencia.
Cruxe un calabrote.
Pita la sirena.
Voces en el puente.
Muncha xente en tierra.

(-¡Adiós!, fíu del alma.
-¡Adíos!, madre bona.
-¡Que te faigas ricu!
-¡La Virxen la oiga!
-¡Que Dios t’acompañe!
-¡A osté que tá sola!)

…………………………….

Gaviotes lu escolten
Hasta juera el puertu.
Déxenlu allá lexos.
Dicen-i hasta lluegu.
Entovía vense
Los blancos pañuelos;
Palombines blanques
Que lleven consuelos
Y porten p’el aire
Los últimos besos.


El sol v’acostase
Y dexa a un lluceru
Que custodie al barcu
En el so cruceru.
La postrer gaviota
Pierdese ‘nel vuelu.

Ya en sombres el barcu
Quédase en silenciu.
En mediu la noche,
Una voz entona
Amorosamente
Añorante copla.
Les máquines chirríen;
El vapor resopla.

………………..

Y allá, baxu el cielo,
Un neñu na proa,
Cara a les estrelles,
Reza,
Suaña,
Y llora.

(M.C.)